രാജ്യത്തെ ബാങ്ക് ജീവനക്കാര്‍ ശനിയാഴ്ച്ച പണിമുടക്കുന്ന സാഹചര്യത്തില്‍ പൊതു മേഖലാ ബാങ്കുകളുടെ പ്രവര്‍ത്തനം തടസ്സപ്പെടുമെന്ന് റിപ്പോര്‍ട്ട്.
ബാങ്ക് ജോലികള്‍ പുറംകരാര്‍ നല്‍കുന്നതിനെതിരേ ഓള്‍ ഇന്ത്യ ബാങ്ക് എംപ്ലോയീസ് അസോസിയേഷന്‍ (എ.ഐ.ബി.ഇ.എ) ആണ് സമരത്തിന് ആഹ്വാനം ചെയ്തിരിയ്ക്കുന്നത്.
ദേശീയ തലത്തിലുള്ള പണിമുടക്കായതിനാല്‍ തന്നെ ഏതെങ്കിലും ബാങ്കുകളില്‍ ജീവനക്കാര്‍ പണിമുടക്കിയില്ലെങ്കിലും പണം നിക്ഷേപം, പിന്‍ വലിക്കല്‍, ചെക്ക് പിന്‍വലിക്കല്‍ എന്നിവയ്ക്ക് തടസ്സം നേരിടും. സ്വകാര്യ ബാങ്കുകളെ സമരംബാധിക്കില്ല.
