വയനാട്: ബാണാസുര സാഗര് ഡാം തുറന്നു. ജലനിരപ്പ് അപ്പര് റൂള് ലെവല് കടന്നതിനെ തുടര്ന്നാണ് ബാണാസുര സാാഗര് ഡാം തുറന്നത്. ജലനിരപ്പ് 2539 അടിയായിരുന്നു. . മുന്പ് അറിയിച്ചിരുന്നതുപോലെ രാവിലെ എട്ടിനാണ് ഷട്ടര് 10 സെന്റിമീറ്റര് ഉയര്ത്തിയത്. നാല് ഷട്ടറുകളില് ഒന്ന് ആണ് ഉയര്ത്തിയത്. ഒരു സെക്കന്റില് 8.50ഘനമീറ്റര് വെള്ളമാണ് പുറത്തേക്ക് ഒഴുക്കുന്നത്.
പുഴകളില് ഇറങ്ങി മീന് പിടിക്കരുതെന്ന മുന്നറിയിപ്പ് നല്കിയിട്ടുണ്ട്. പൊലീസിനെ അണക്കെട്ടിന്റെ പരിസരത്ത് വിന്യസിച്ചിട്ടുണ്ട്. ജലനിരപ്പുയര്ന്നതോടെ ബാണാസുര സാഗറില് റെഡ് അലര്ട്ട് നല്കിയിരുന്നു. ജലസംഭരണിയില് ജലനിരപ്പ് ഉയര്ന്ന സാഹചര്യത്തില് ഞായറാഴ്ച പുലര്ച്ചെ ആണ് റെഡ് അലര്ട്ട് പ്രഖ്യാപിച്ചത്.