തിരൂർ കോട്ട് ഫെസ്റ്റിനോടനുബന്ധിച്ച് നാളെ (19/01/2026) നഗരത്തിൽ ഗതാഗത നിയന്ത്രണം ഏർപ്പെടുത്തിയതായി പൊലീസ് അറിയിച്ചു. തിങ്കളാഴ്ച ഉച്ചയ്ക്ക് ശേഷമാണ് നിയന്ത്രണം. വിവിധ ഭാഗങ്ങളിൽ നിന്നുള്ള വാഹനങ്ങൾക്കായി ബദൽ പാതകൾ ഒരുക്കിയിട്ടുണ്ടെന്നും യാത്രക്കാർ സഹകരിക്കണമെന്നും തിരൂർ പൊലീസ് അഭ്യർത്ഥിച്ചു.
- വൈലത്തൂർ ഭാഗത്ത് നിന്നുള്ള വാഹനങ്ങൾ: വൈലത്തൂരിൽ നിന്നും തിരൂർ ഭാഗത്തേക്ക് വരേണ്ട വാഹനങ്ങൾ താനാളൂർ-വട്ടത്താണി വഴി പോകേണ്ടതാണ്.
- മലപ്പുറം ഭാഗത്തേക്കുള്ള വാഹനങ്ങൾ: മലപ്പുറം ഭാഗത്തേക്ക് പോകേണ്ട വാഹനങ്ങൾ വട്ടത്താണി-വൈലത്തൂർ വഴി തിരിഞ്ഞു പോകേണ്ടതാണ്.
ഉച്ചയ്ക്ക് 3 മണി മുതൽ ആഘോഷങ്ങൾ അവസാനിക്കുന്നത് വരെ നിയന്ത്രണം തുടരും. യാത്രക്കാർ ഈ മാറ്റങ്ങൾ ശ്രദ്ധിക്കണമെന്നും ഗതാഗത കുരുക്ക് ഒഴിവാക്കാൻ പൊലീസുമായി സഹകരിക്കണമെന്നും തിരൂർ പൊലീസ് അറിയിച്ചു.
