ആദ്യമായി ലഭിച്ച ശമ്പളം കൊണ്ട് ആരോരുമില്ലാത്തവർക്ക് ബിരിയാണി വിളമ്പി ആദിൽഷായുടെ പിറന്നാൾ ആഘോഷം

തിരൂർ: മലപ്പുറത്തെ ഒരു യുവാവിന്റെ പിറന്നാളാഘോഷമാണ് ഇപ്പോൾ സോഷ്യൽമീഡിയയുടെ മനം കവരുന്നത്. ആരോരുമില്ലാത്തവർക്ക് ഭക്ഷണം വിളമ്പിയാണ് ആദിൽഷാ എന്ന തിരൂർ സ്വദേശി സ്വന്തം പിറന്നാൾ ആഘോഷിച്ചത്. പിറന്നാൾ സന്തോഷം മാത്രമല്ല ആദിലിന്റെ ഈ സമ്മാന ഭക്ഷണ പൊതിക്ക് പിന്നിലുള്ളത്, ആദ്യമായി ലഭിച്ച ശമ്പളത്തിൽ നിന്നാണ് യുവാവ് വിരുന്നൂട്ടിയതെന്നതും ഇരട്ടി മധുരമാവുകയാണ്.ആരോരുമറിയാതെ രണ്ട് സുഹൃത്തുക്കളെ മാത്രം കൂട്ടിയായിരുന്നു ആദിലിന്റെ ഭക്ഷണപൊതി വിതരണം. എന്നാൽ ഇതുകകണ്ടെത്തിയ പോലീസാണ് ആദിൽ ഷായുടെ നന്മ കണ്ടറിഞ്ഞ് അഭിനന്ദിക്കുകയും മറ്റുള്ളവരെ അറിയിക്കുകയും ചെയ്തതും. എസ്‌ഐ ജലീലാണ് ആദിലിന്റെ പിറന്നാൾ ഒരു വൈറൽ പിറന്നാളാക്കിയത്. ശനിയാഴ്ച രാത്രിയാണ് തിരൂർ സ്വദേശി ആദിൽഷാ വ്യത്യസ്തമായ രീതിയിൽ തന്റെ പിറന്നാൾ ആഘോഷിച്ചത്.ബസ് സ്റ്റാൻഡിൽ രാത്രി കിടന്നുറങ്ങുന്ന വീടില്ലാത്തവർക്കു തന്റെ 2 സുഹൃത്തുക്കളുടെ സഹായത്തോടെ ബിരിയാണിപ്പൊതി നൽകുകയായിരുന്നു ഈ യുവാവ് ചെയ്തത്. 50 പേർക്കാണ് ഭക്ഷണം്നൽകിയത്. ഈ സമയം രാത്രി ഡ്യൂട്ടിയുടെ ഭാഗമായി തിരൂർ എസ്‌ഐ ജലീൽ കറുത്തേടത്ത് ബസ് സ്റ്റാൻഡിലെത്തിയിരുന്നു. പൊതി വിതരണം കണ്ട് കാര്യമന്വേഷിച്ചപ്പോഴാണ് പിറന്നാളാണെന്നും തനിക്ക് ആദ്യമായി ശമ്പളം ഉപയോഗിച്ച് ഭക്ഷണം നൽകുകയാണെന്നും ആദിൽ അറിയിച്ചത്.ഇതോടെ പിറന്നാളുകാരന് എസ്‌ഐ ആശംസ നേർന്നു. കൂടാതെ ചിത്രം സഹിതം ഇക്കാര്യം സോഷ്യൽമീഡിയയിൽ അറിയിക്കുകയും ചെയ്തു. തന്റെ സർവീസിൽ പല തരത്തിലുള്ള പിറന്നാളാഘോഷവും കണ്ടിട്ടുണ്ടെന്നും ഇത്തരത്തിലൊന്ന് ആദ്യമാണെന്നും ജലീൽ കുറിച്ചു. യുവാവിന്റെ നല്ല മനസ്സിന് ബിഗ് സല്യൂട്ടെന്നും രക്ഷിതാക്കൾക്കും അധ്യാപകർക്കും സുഹൃത്തുക്കൾക്കും എല്ലാ നന്മകളും ഉണ്ടാകട്ടെയെന്നും അദ്ദേഹം എഴുതി.

spot_img

Related news

തിരൂരില്‍ തോണി മറിഞ്ഞു കാണാതായ രണ്ടുപേരുടെ കൂടി മൃതദേഹം കണ്ടെത്തി

മലപ്പുറം : തിരൂരില്‍ തോണി മറിഞ്ഞു കാണാതായ രണ്ടുപേരുടെ കൂടി മൃതദേഹം...

എ.പി.മുഹമ്മദ് മുസ്‍ലിയാർ കാന്തപുരം അന്തരിച്ചു

പ്രമുഖ ഇസ്‍ലാം മതപണ്ഡിതനും സമസ്ത കേരള ജംഇയ്യത്തുൽ ഉലമ സെക്രട്ടറിയുമായ എ.പി.മുഹമ്മദ്...

മലയാളി യുവാവ് സൗദിയില്‍ താമസ സ്ഥലത്ത് അന്തരിച്ചു

മലയാളി യുവാവ് സൗദിയില്‍ താമസ സ്ഥലത്ത് അന്തരിച്ചു. മലപ്പുറം കൊണ്ടോട്ടി ഒളവട്ടൂര്‍...

പാണ്ടിക്കാട്  ഭർത്താവിന്റെ ആസിഡ് ആക്രമണത്തിൽ പരിക്കേറ്റ യുവതി മരിച്ചു

മലപ്പുറം : മലപ്പുറം പാണ്ടിക്കാട്  ഭർത്താവിന്റെ ആസിഡ് ആക്രമണത്തിൽ പരിക്കേറ്റ യുവതി മരിച്ചു....

വിദ്യാര്‍ത്ഥിനികള്‍ക്കെതിരെ ലൈംഗികാതിക്രമം; മലപ്പുറത്ത്‌ അധ്യാപകന്‍ അറസ്റ്റില്‍

മലപ്പുറം: വിദ്യാര്‍ത്ഥിനികള്‍ക്കെതിരെ ലൈംഗികാതിക്രമം നടത്തിയെന്ന പരാതിയില്‍ അധ്യാപകന്‍ അറസ്റ്റില്‍. മലപ്പുറം വേങ്ങര...

LEAVE A REPLY

Please enter your comment!
Please enter your name here