പെരിന്തല്‍മണ്ണയിലെ മൗലാന ആശുപത്രിയില്‍ ഗുരുതരാവസ്ഥയില്‍ ചികിത്സയില്‍ കഴിയുന്ന പാലക്കാട് തച്ചനാട്ടുകര സ്വദേശിനിക്ക് നിപ സ്ഥിരീകരിച്ചു. കഴിഞ്ഞദിവസം പ്രാഥമിക പരിശോധനയില്‍ നിപ്പ സ്വീകരിച്ചതിനുശേഷം പുണെ വയറോളജി ഇന്‍സ്റ്റിറ്റ്യൂട്ടിലേക്ക് സ്രവം പരിശോധനയ്ക്ക് അയച്ചിരുന്നു. ഈ പരിശോധന ഫലവും പോസിറ്റീവായാണ് വന്നത്. ഇതോടെ തച്ചനാട്ടുകര പഞ്ചായത്തിലെ 7,8,9,11 കരിമ്പുഴ പഞ്ചായത്തിലെ 17,18 വാര്‍ഡുകള്‍ കണ്ടൈന്‍മെന്റ് സോണ്‍ ആക്കി മാറ്റി.
നിപ സ്ഥിരീകരിച്ച നാല്പതുകാരിയുടെ ആരോഗ്യനില ഗുരുതരമായി തുടരുകയാണ്. പ്രദേശത്ത് വവ്വാലുകളുടെ ശല്യം ഉണ്ടെന്ന് നേരത്തെ തന്നെ അധികൃതരെ അറിയിച്ചിരുന്നതായി പൊതുപ്രവര്‍ത്തകരും പറയുന്നുണ്ട്.
