ബത്തേരി: മുത്തങ്ങ പൊന്കുഴി അതിര്ത്തിയില് രാസലഹരിയുമായി രണ്ട് യുവാക്കള് പിടിയില്. കോഴിക്കോട്ടേക്ക് വരികയായിരുന്ന സ്ലീപ്പര് ബസിലെ യാത്രക്കാരായ രണ്ട് യുവാക്കളില് നിന്ന് 41.5 ഗ്രാം എംഡിഎംഎ പിടിച്ചെടുത്തു.
കോഴിക്കോട് ഫറൂഖ് സ്വദേശി ചെമ്പ്രയില് വീട്ടില് മുഹമ്മദ് ആഷിഖ്, മലപ്പുറം വണ്ടൂര് സ്വദേശി പള്ളത്ത് വീട്ടില് അഭിന് സൂര്യ എന്നിവരെയാണ് എക്സൈസ് അറസ്റ്റ് ചെയ്തത്. വെള്ളിയാഴ്ച രാവിലെ 11ന് സുല്ത്താന് ബത്തേരി എക്സൈസ് സര്ക്കിള് ഇന്സ്പെക്ടര് എം.കെ സുനിലിന്റെ നേതൃത്വത്തില് കര്ണാടകയില് നിന്നും വരുന്ന വാഹനങ്ങള് പരിശോധന നടത്തുന്നതിനിടെയാണ് മയക്കുമരുന്ന് കണ്ടെത്തിയത്.
2024 ഒക്ടോബറില് മുത്തങ്ങയില്വെച്ച് കാറില് കടത്തികൊണ്ടുവന്ന 53.900 ഗ്രാം മെത്താംഫിറ്റമിനുമായി മുഹമ്മദ് ആഷിഖ് അറസ്റ്റിലായിരുന്നു. ജാമ്യത്തില് ഇറങ്ങി മയക്കുമരുന്ന് കടത്തുന്നതിനിടയിലാണ് വീണ്ടും പിടിയിലായത്. പ്രതികളെ സുല്ത്താന് ബത്തേരിയിലെ കോടതിയില് ഹാജരാക്കി റിമാന്ഡ് ചെയ്തു.
