ആദിലാബാദ്: തെലങ്കാനയില്‍ പതിമൂന്നുകാരിക്ക് പീഡനം. പ്രതിയെ മര്‍ദിച്ച് വീട് കത്തിച്ച് നാട്ടുകാര്‍. തെലങ്കാന ആദിലാബാദിലാണ് സംഭവം. പൊലീസ് വാഹനവും നാട്ടുകാര്‍ ആക്രമിച്ചു. പ്രതിയും രണ്ട് പൊലീസുകാരും ചികിത്സയില്‍.
യുവതിയെ തട്ടിക്കൊണ്ടുപോയി ബലാത്സംഗം ചെയ്തുവെന്ന് വിവരമറിഞ്ഞ യുവതിയുടെ ബന്ധുക്കള്‍ വീട്ടിലെത്തി ആക്രമിക്കുകയായിരുന്നു. സംഭവമറിഞ്ഞ് പൊലീസ് എത്തി അബോധാവസ്ഥയിലായ യുവാവിനെ ആശുപത്രിയിലേക്ക് മാറ്റി.
ഇതോടെ പ്രകോപിതരായ നാട്ടുകാര്‍ പൊലീസിനെ ആക്രമിച്ചു. ഏറ്റുമുട്ടലില്‍ പ്രതിയുടെ വീടിനും രണ്ട് പോലീസ് വാഹനങ്ങള്‍ക്കും തീയിട്ടു. ഇച്ചോഡയിലെ സര്‍ക്കിള്‍ ഇന്‍സ്‌പെക്ടര്‍ ഭീമേഷിനും മറ്റ് പോലീസുകാര്‍ക്കും പരുക്കേറ്റു.
