നിലമ്പൂരില് വളരെ ആവേശകരമായ തിരഞ്ഞെടുപ്പാണ് നടന്നതെന്ന് വി.എസ് ജോയ്. വലിയ പ്രതീക്ഷയോടെ തിരഞ്ഞെടുപ്പിനെ നോക്കിക്കാണുന്നു. 9 വര്ഷത്തെ ഇടവേളയ്ക്ക് ശേഷം യുഡിഎഫ് നിലമ്പൂര് മണ്ഡലം തിരിച്ചുപിടിക്കാന് പോവുകയാണ്. പിണറായി സര്ക്കാരിനെതിയുള്ള പ്രതിഷേധം പോളിംഗ് ബൂത്തില് പ്രതിഭലിച്ചു. വലിയ വിജയം നേടും. പിണറായി സര്ക്കാരിനെതിരെ 3 കോടി 56 ലക്ഷം വരുന്ന മലയാളികളുടെ പ്രതിഷേധം ഉണ്ടെന്നും അദ്ദേഹം പറഞ്ഞു.
നിലമ്പൂര് ഉപതിരഞ്ഞെടുപ്പില് വലിയതോതില് ഭരണ വിരുദ്ധ തരംഗമുണ്ടാകുമെന്ന് വി.എസ് ജോയ്. യുഡിഎഫ് വലിയ ഭൂരിപക്ഷമാണ് പ്രതീക്ഷിക്കുന്നത്. പി.വി അന്വര് ഇടതുവോട്ടില് വിള്ളല് വരുത്തുമെന്നും അങ്ങനെയെങ്കില് ആര്യാടന് ഷൗക്കത്തിന്റെ ഭൂരിപക്ഷം 20,000 കടക്കുമെന്നും ജോയ് പറഞ്ഞു. 263 ബൂത്തുകളില് 19 റൗണ്ട് വോട്ടുകളാണ് എണ്ണുക. നാലു ടേബിളുകളില് പോസ്റ്റല് വോട്ടുകളെണ്ണും. അഞ്ച് പോളിങ് സ്റ്റേഷനുകളിലെ വിവിപാറ്റും എണ്ണുമെന്നും തിരഞ്ഞെടുപ്പ് കമ്മിഷന് അറിയിച്ചു.
അതേസമയം അഞ്ചാം റൗണ്ടില് എണ്ണേണ്ട ഒന്പതാം നമ്പര് ബൂത്തിലെ വോട്ടെണ്ണിയില്ല. യന്ത്രത്തകരാറാണ് വോട്ട് എണ്ണാതിരിക്കാന് കാരണം. യുഡിഎഫ് പ്രതീക്ഷിച്ച ലീഡ് നിലയിലേക്ക് ആര്യാടന് ഷൗക്കത്ത് എത്തിയിരിക്കുന്നു.
