തൃശൂര്‍: എരുമപ്പെട്ടി സ്വദേശിയായ വിദ്യാര്‍ത്ഥിയെ കാണാതായതായി പരാതി. മന്തിയത്ത് വീട്ടില്‍ സുരേഷിന്റെ മകന്‍ അനന്തനെയാണ്(16) കാണാതായത്. വരവൂര്‍ ഗവ.ഹയര്‍ സെക്കണ്ടറി സ്‌കൂളിലെ പ്ലസ് വണ്‍ വിദ്യാര്‍ത്ഥിയാണ്. സ്‌കൂളിലേക്ക് പോകുന്നുവെന്ന് പറഞ്ഞാണ് അനന്തന്‍ ഇന്നലെ രാവിലെ പോയത്. എന്നാല്‍ വൈകീട്ട് തിരിച്ചെത്താത്തതിനെ തുടര്‍ന്ന് വീട്ടുകാര്‍ അന്വേഷിച്ചപ്പോഴാണ് സ്‌കൂളില്‍ അനന്തന്‍ എത്തിയില്ലെന്ന് മനസിലായത്. പിന്നാലെ സുഹൃത്തുക്കളോടും ബന്ധുക്കളുടെ വീടുകളിലും അന്വേഷിച്ചെങ്കിലും കണ്ടെത്താന്‍ കഴിഞ്ഞില്ല. എരുമപ്പെട്ടി പോലീസില്‍ പരാതി നല്‍കിയതിനെ തുടര്‍ന്ന് കേസെടുത്ത് അന്വേഷണം ആരംഭിച്ചു.
