തിരുവനന്തപുരം ബാലരാമപുരത്താണ് അപകടം ഉണ്ടായത്. ഇന്നലെ രാത്രി 12.30 മണിയോടെ തിരുവനന്തപുരത്ത് നിന്നും നെയ്യാറ്റിന്കര ഭാഗത്തേക്ക് പോകുകയായിരുന്ന കാറാണ് ലോറിക്ക് പിന്നിലിടിച്ചത്. ഇടിയുടെ ആഘാതത്തില് കാര് ലോറിക്കടിയിലേക്ക് ഇടിച്ചു കയറി.
കാറിലുണ്ടായിരുന്ന മാരായമുട്ടം വിളയില് വീട്ടില് 65 വയസുകരനായ സ്റ്റാന്ലിനാണ് മരിച്ചത്. നാലുപേര് പരിക്കുകളോടെ ആശുപത്രിയില് ചികിത്സ തേടി. സ്റ്റാന്ലിന്റെ മകന് സന്തോഷിനെ എയര്പോര്ട്ടില് കൊണ്ടാക്കി തിരികെ വരുമ്പോഴായിരുന്നു അപകടം. ആലീസ്, ജൂബിയ, അലന്, അനീഷ് എന്നിവര്ക്കാണ് പരിക്കേറ്റത്. സംഭവസ്ഥാലത്തെത്തിയ പൊലീസും നാട്ടുകാരും ചേര്ന്ന് പരിക്കേറ്റവരെ ആശുപത്രിയിലെത്തിച്ചു.
