സെപ്റ്റംബര്‍, ഒക്ടോബര്‍ മാസങ്ങളിലെ വേതനം അനുവദിക്കുക, ഉറപ്പുനല്‍കിയ ഉത്സവബത്ത നല്‍കുക തുടങ്ങിയ പ്രധാന ആവശ്യങ്ങള്‍ ഉന്നയിച്ചുകൊണ്ട് സംസ്ഥാനത്ത് ചൊവ്വാഴ്ച (19/11/2024) റേഷന്‍കട ഉടമകളുടെ സമരം. റേഷന്‍ കോ ഓര്‍ഡിനേഷന്‍ കമ്മിറ്റിയുടെതാണ് തീരുമാനം. റേഷന്‍കടകളില്‍ സാധനം എത്തിക്കുന്ന കരാറുകാരുടെ സമരം തുടരുന്ന സാഹചര്യത്തിലാണ് ഇപ്പോള്‍ റേഷന്‍കട വ്യാപാരികളുടെ സമര പ്രഖ്യാപനം.
സര്‍ക്കാര്‍ തങ്ങള്‍ ചെയ്യുന്ന ജോലി സൗജന്യ സേവനമായി കാണുന്നുവോ എന്നതാണ് റേഷന്‍കട വ്യാപാരികളുടെ ചോദ്യം. റേഷന്‍കട വ്യാപാരികള്‍ക്ക് കഴിഞ്ഞ രണ്ടുമാസമായി ഒരു നയാ പൈസ വേതനമായി ലഭിച്ചിട്ടില്ല. ഭക്ഷ്യ വകുപ്പും ഉദ്യോഗസ്ഥരുമായും ചര്‍ച്ച നടത്തിയെങ്കിലും അതെല്ലാം പരാജയപ്പെട്ടു. ഇതേ തുടര്‍ന്നാണ് സൂചന സമരം. ബന്ധപ്പെട്ട ഉദ്യോഗസ്ഥര്‍ക്കും ഭക്ഷ്യവകുപ്പിനും സംഘടന നോട്ടീസ് നല്‍കി
