പാലിന് വിലകൂട്ടുമെന്ന് മില്‍മ സര്‍ക്കാറിനോട് ആവശ്യപ്പെട്ടു. പാലിന്റെ ഉല്‍പ്പാദനച്ചെലവും ലഭിക്കുന്ന വിലയും തമ്മില്‍ ലിറ്ററില്‍ 8.57 രൂപയുടെ വ്യത്യാസമുണ്ടെന്ന പഠന റിപ്പോര്‍ട്ടിന്റെ അടിസ്ഥാനത്തില്‍ പാലിന് വില കൂട്ടണമെന്നാണ് മില്‍മ സര്‍ക്കാറിനോട് ആവശ്യപ്പെട്ടത്. 21ന് വര്‍ധന നിലവില്‍ വരുന്ന രീതിയില്‍ ചര്‍ച്ച നടത്താന്‍ സംസ്ഥാന ചെയര്‍മാന്‍ കെഎസ് മണിയെ ഭരണസമിതി ചുമതലപ്പെടുത്തി.
2019ലാണു മില്‍മ ഏറ്റവുമൊടുവില്‍ വില കൂട്ടിയത്. അന്നു ലീറ്ററിന് 4 രൂപയാണ് വര്‍ധിപ്പിച്ചത്.
മില്‍മ നിയോഗിച്ച വിദഗ്ധസമിതി യുടെ സമിതി റിപ്പോര്‍ട്ട് പ്രകാരം 4.2% കൊഴുപ്പും 8.35% കൊഴുപ്പിതര
ഘടകങ്ങളുമുള്ള പാലിനു കര്‍ഷകര്‍ക്കു ലഭിക്കുന്ന ശരാശരി വില ലീറ്ററിന് 37.76 രൂപയാണ്.
വിലവര്‍ധന മില്‍മയ്ക്കു തിരുമാനിക്കാമെങ്കിലും ജനങ്ങളെ ബാധിക്കുന്ന വിഷയമായതിനാല്‍ സര്‍ക്കാരുമായി ചര്‍ച്ചചെയ്യുന്നതാണ് ഉചിതമെന്നു ഭരണസമിതി അഭിപ്രായപ്പെട്ടു.
അതേസമയം, മില്‍മയുടെ ശുപാര്‍ശ ചര്‍ച്ച ചെയ്ത് വര്‍ധനയുടെ ഒരു കാര്യം തീരുമാനിക്കുമെന്നു മന്ത്രി ജെ.ചിഞ്ചുറാണി പറഞ്ഞു.
