വിദ്വേഷ പരാമര്ശത്തില് ബിജെപി നേതാവ് പിസി ജോര്ജിനെതിരെ കേസെടുത്തു. യൂത്ത് ലീഗ് നല്കിയ പരാതിയില് ഈരാറ്റുപേട്ട പൊലീസാണ് കേസെടുത്തത്. ചാനല് ചര്ച്ചയില് പങ്കെടുത്ത് സംസാരിക്കുന്നതിനിടെയായിരുന്നു പിസി ജോര്ജിന്റെ പരാമര്ശം. മതസ്പര്ധ വളര്ത്തല്, കലാപാഹ്വാനം എന്നിവയ്ക്കാണ് കേസ്. വിവാദമായതിന് പിന്നാലെ പിസി ജോര്ജ് സോഷ്യല് മീഡിയയിലൂടെ മാപ്പ് പറഞ്ഞിരുന്നു.
ഇന്ത്യയിലെ മുസ്ലിംകള് മുഴുവന് മതവര്ഗീയവാദികളാണെന്നും ആയിരക്കണക്കിന് ഹിന്ദുക്കളെയും ക്രിസ്ത്യാനിനെയും കൊന്നുവെന്നുമായിരുന്നു വിവാദ പരാമര്ശം. മുസ്ലിംകള് പാകിസ്താനിലേക്കു പോകണമെന്നും ജോര്ജ് ചര്ച്ചയില് പറഞ്ഞു. പി.കെ കുഞ്ഞാലിക്കുട്ടി, കെ.ടി ജലീല്, എസ്ഡിപിഐ, ജമാഅത്തെ ഇസ്ലാമി എന്നിവരെല്ലാം ചേര്ന്ന് പാലക്കാട്ട് ബിജെപിയെ തോല്പ്പിക്കാന് ശ്രമിച്ചു. മുസ്ലിം വര്ഗീയത ഉണ്ടാക്കിയാണ് തന്നെ ഈരാറ്റുപേട്ടയില് തോല്പ്പിച്ചതെന്നും ജോര്ജ് ചര്ച്ചയില് ആരോപിച്ചു.
ഇക്കാര്യങ്ങള് ചുണ്ടിക്കാട്ടി വീഡിയോ സഹിതമാണ് ഈരാറ്റുപേട്ട മുനിസിപ്പല് യൂത്ത് ലീഗ് കമ്മിറ്റി, വെല്ഫെയര് പാര്ട്ടി, എസ്ഡിപിഐ, പിഡിപി തുടങ്ങി സംഘടനകള് പരാതി നല്കിയത്. ഏഴോളം പരാതികളാണ് സംസ്ഥാനത്തെ വിവിധ പൊലീസ് സ്റ്റേഷനുകളില് രജിസ്റ്റര് ചെയ്തത്.
