പ്രവാസി സംഘടനാ നേതാവിനെതിരെ മുസ്‌ലിം ലീഗില്‍ അച്ചടക്കനടപടി. ലീഗിന്റെ പ്രവാസി സംഘടനയായ കെഎംസിസി യുടെ ദുബായ് ഘടകം പ്രസിഡന്റ് ആയിരുന്ന ഇബ്രാഹിം എളെറ്റിലിനെ ആണ് പാര്‍ട്ടിയില്‍ നിന്ന് സസ്പെന്ഡ് ചെയ്തത്. പാര്‍ട്ടിയുടെയും കെഎംസിസിയുടെയും ഭാരവാഹിത്വങ്ങളില്‍ല്‍ നിന്നും അദ്ദേഹത്തെ നീക്കി. മുസ്‌ലിം ലീഗ് സംസ്ഥാന കമ്മിറ്റിയുടേതാണ് നടപടി.
കഴിഞ്ഞ ആഴ്ച ലീഗ് സംസ്ഥാന അധ്യക്ഷന്‍ പാണക്കാട് സാദിഖലി ശിഹാബ് തങ്ങള്‍ ദുബായില്‍ വന്നപ്പോള്‍ ഇബ്രാഹിം എളെറ്റിലിനെ കെഎംസിസി പ്രസിഡന്റ് സ്ഥാനത്തു നിന്ന് നീക്കിയിരുന്നു. ഇതിന് പിന്നാലെയാണ് അച്ചടക്ക നടപടി സ്വീകരിച്ചത്. ദുബായ് കെഎംസിസിയുമായി ബന്ധപ്പെട്ട വിഭാഗീയതയാണ് അച്ചടക്ക നടപടിയിലേക്ക് നയിച്ചത്.
