തൃശൂര് : കാപ്പ ചുമത്തി യുവാവിനെ നാടുകടത്തി. ചാവക്കാട് പൊലീസ് സ്റ്റേഷന് പരിധിയിലെ കടപ്പുറം പഞ്ചായത്ത് തൊട്ടാപ്പ് ചാലില് വീട്ടില് അബ്ദുള് റസാഖ് മകന് ഷഹറൂഫ്(24)നെയാണ് തൃശൂര് സിറ്റി ജില്ലാ പൊലീസ് കമ്മീഷണര് ആര്. ഇളങ്കോയുടെ നിര്ദേശ പ്രകാരം ഗുരുവായൂര് എ.സി.പി. കെ.എം. ബിജുവിന്റെ നേതൃത്വത്തില് ചാവക്കാട് എസ്എച്ച്ഒ വി.വി. വിമല് 6 മാസ കാലയളവിലേക്ക് തൃശൂര് ജില്ലയില് നിന്നും നാടുകടത്തിയത്.
കാപ്പ 2007വകുപ്പ് പ്രകാരം സഞ്ചലന നിയന്ത്രണ ഉത്തരവിന്റെ അടിസ്ഥാനത്തിലാണ് പൊലീസ് നടപടി. ഇയാള്ക്കെതിരെ ചാവക്കാട്, പാവറട്ടി, വടക്കേക്കാട് പൊലീസ് സ്റ്റേഷനുകളില് കേസുകള് ഉണ്ട്. മാരക മയക്കു മരുന്നായ എംഡിഎംഎ കൈവശം വച്ച കുറ്റം, മോഷണം, നിരവധി കേസുകളില് പ്രതിയാണ്. അറിയപ്പെടുന്ന റൗഡി എന്ന ഗണത്തില് ഉള്പ്പെടുത്തിയാണ് ഇയാള്ക്കെതിരെ നടപടിയെടുത്തിട്ടുള്ളത്.
തൃശ്ശൂര് സിറ്റി കമ്മീഷണറുടെ നേതൃത്വത്തില് ക്രിമിനല് കേസുകളില് പ്രതിയായവര്ക്കെതിരെ ശക്തമായ കാപ്പ നടപടികളാണ് സ്വീകരിച്ചു വരുന്നത്. ഗുരുവായൂര് സബ് ഡിവിഷനില് ചാവക്കാട് പൊലീസ് സ്റ്റേഷനില് മാത്രമായി പതിനഞ്ചാമത്തെ വ്യക്തിക്ക് എതിരെയാണ് കാപ്പ ചുമത്തുന്നത്. തുടര്ന്നും മയക്കുമരുന്ന്, ക്രിമിനല് കേസുകളില് പ്രതിയാകുന്നവര്ക്കെതിരെ കാപ്പ ഉള്പ്പെടെയുള്ള ശക്തമായ നിയമനടപടികള് സ്വീകരിക്കുന്നതാണെന്ന് തൃശ്ശൂര് സിറ്റി പൊലീസ് കമ്മീഷണര് അറിയിച്ചു.
