കേരളത്തിന് പിന്നാലെ കൊവിഡിന്റെ പുതിയ വകഭേദമായ ജെ.എന് 1ഗോവയിലും മഹാരാഷ്ട്രയിലും കണ്ടെത്തി. ഗോവയിലെ ചലച്ചിത്ര മേളയ്ക്ക് ശേഷമുള്ള പരിശോധനയില് 18 പുതിയ കേസുകള് കണ്ടെത്തുകയായിരുന്നു. മഹാരാഷ്ട്രയില് രോഗലക്ഷണങ്ങളുള്ളവരില് നടത്തിയ പരിശോധനയിലാണ് ജെ.എന്1 സ്ഥിരീകരിച്ചത്.
ആര്ടിപിസിആര് പരിശോധന വര്ദ്ധിപ്പിക്കണമെന്നും സംസ്ഥാനങ്ങള്ക്ക് നിര്ദേശമുണ്ട്. ഇതിനെത്തുടര്ന്നാണ് ഗോവയിലും മഹാരാഷ്ട്രയിലും രോഗം സ്ഥിരീകരിച്ചത്.നിലവില് മഹാരാഷ്ട്രയില് 24 ആക്ടീവ് കേസുകളാണുള്ളത്. ഇതില് ഒന്പത് എണ്ണം ഇന്നലെയാണ് കണ്ടെത്തിയത്. അയല് സംസ്ഥാനമായ കര്ണാടകയിലും കൊവിഡ് കേസുകള് വര്ദ്ധിക്കുകയാണെന്ന് റിപ്പോര്ട്ടുകള് പുറത്ത് വരികയാണ്. തുടര്ന്ന് കര്ണാടകയില് 60 വയസിന് മുകളിലുള്ളവര്ക്ക് മാസ്ക് നിര്ബന്ധമാക്കി.
രാജ്യത്തെ ആക്ടീവ് കേസുകളില് 88 ശതമാനവും നിലവില് കേരളത്തിലാണ്. നിലവില് രാജ്യത്ത് 1970 ആക്ടീവ് കൊവിഡ് കേസുകളാണുള്ളത്.
