കൊച്ചി: നെടുമ്പാശേരി വിമാനത്താവളത്തില് വീണ്ടും വന് ലഹരി വേട്ട. പൊതുവിപണിയില് 4.25 കോടി രൂപ വിലമതിക്കുന്ന ഹൈബ്രിഡ് കഞ്ചാവാണ് പിടികൂടിയത്. ബാങ്കോക്കില് നിന്നും എത്തിയ മലപ്പുറം സ്വദേശി ആമില് ആസാദിനെയാണ് കഞ്ചാവുമായി കസ്റ്റംസ് പിടികൂടിയത്. ആമില് ആസാദിന്റെ പക്കലുണ്ടായിരുന്ന ബാഗിനകത്ത് 14 കിലോഗ്രാം വരുന്ന ഹൈബ്രിഡ് കഞ്ചാവ് പ്ലാസ്റ്റിക് കവറില് പൊതിഞ്ഞ നിലയിലാണ് കണ്ടെത്തിയത്. ഹൈബ്രിഡ് കഞ്ചാവ് ബാങ്കോക്കില് നിന്ന് കടത്തുന്നത് പതിവായിട്ടുണ്ട്. കഴിഞ്ഞ 2 മാസത്തിനിടെ നിരവധി പേരെ ഹൈബ്രിഡ് കഞ്ചാവുമായി പിടികൂടിയിട്ടുണ്ട്. ഒരു ലക്ഷം രൂപ പ്രതിഫലത്തിനാണ് ആമില് ആസാദ് ഹൈബ്രിഡ് കഞ്ചാവ് കടത്തിയതെന്നും ഇയാള് ഇടനിലക്കാരനെന്നുമാണ് വിവരം. അറസ്റ്റ് ചെയ്ത ശേഷം കോടതിയില് ഹാജരാക്കിയ പ്രതിയെ റിമാന്റ് ചെയ്തു.
