വാകത്താനം പാണ്ടഞ്ചിറയില് കാര് കത്തി ഉടമയ്ക്ക് ഗുരുതര പരിക്ക്. വാകത്താനം പാണ്ടഞ്ചിറ ഓട്ടുകാട്ടു സാബു (57)വിനാണ് ഗുരുതരമായി പരിക്കേറ്റത്. തീപിടിച്ച കാര് പൂര്ണമായും കത്തിനശിച്ചു. ഓട്ടം കഴിഞ്ഞ് വീട്ടിലേക്ക് എത്തുന്നതിനിടെയാണ് അപകടം.
വീടിന് 20 മീറ്റര് അകലെ വച്ചാണു സംഭവം. ചങ്ങനാശേരിയില് നിന്ന് അഗ്നിരക്ഷാ സേന എത്തി തീയണച്ചാണ് ഉടമയെ പുറത്തെടുത്തത്. സാബു കാറില് തനിച്ചായിരുന്നു. മെഡിക്കല് കോളേജില് പ്രവേശിപ്പിച്ച സാബുവിന്റെ ആരോഗ്യനില അതീവ ഗുരുതരമാണ്.
വാകത്താനം പോലീസ് സ്റ്റേഷനില് നിന്നും എസ് ഐ തോമസ് ജോസഫ്, സിവില് പോലീസ് ഓഫീസര് അഭിലാഷ് മുരളി തുടങ്ങിയവരും അഗ്നി ശമനസേനാംഗങ്ങളും നാട്ടുകാരും ഉടന് തന്നെ സ്ഥലത്തെത്തി രക്ഷാ പ്രവര്ത്തനം നടത്തി.
