ലോകമൊട്ടാകെ എല്ലാ പ്ലാറ്റ്‌ഫോമുകളില്‍ നിന്നുമായി ഖത്തര്‍ ലോകകപ്പ് 262 ബില്യണ്‍ ആളുകള്‍ കണ്ടെന്ന് ഫിഫയുടെ റിപ്പോര്‍ട്ട്.ഫിഫയുടെ ഔദ്യോഗിക ട്വിറ്ററിലൂടെയാണ് കണക്കുകള്‍ പുറത്തുവിട്ടത്. ലോകകപ്പ് ഫൈനല്‍ മത്സരം മാത്രം 26 മില്യണ്‍ ആളുകള്‍ കണ്ടു.ലോകകപ്പിലെ സര്‍വ്വകാല റെക്കോര്‍ഡാണിതെന്നും ഫിഫ അറിയിച്ചു.2018 ലെ റഷ്യന്‍ ലോകകപ്പ് കാണാന്‍ എത്തിയത് 3 ദശലക്ഷം കാണികളായിരുന്നു.എന്നാല്‍ ഖത്തറിലെ വിവിധ സ്റ്റേഡിയങ്ങളിലായി ലോകകപ്പിന് സാക്ഷ്യം വഹിച്ചത് 3.4 ദശലക്ഷം കാണികളാണ്.ഇതുവരെയുള്ള ലോകകപ്പില്‍ ഏറ്റവും കൂടുതല്‍ ഗോളുകള്‍ പിറന്ന ലോകകപ്പെന്ന റെക്കോര്‍ഡും ഖത്തര്‍ ലോകകപ്പിന് ആണ്.ലുസൈല്‍ സ്റ്റേഡിയത്തില്‍ വച്ച് നടന്ന ഫൈനലിന് എത്തിയത് 88,966 പേരാണ്.മൊത്തം 172 ഗോളുകളാണ് ഖത്തറില്‍ പിറന്നത്.171 ഗോളുകള്‍ പിറന്ന 1998, 2014 ലോകകപ്പുകളെയാണ് ഖത്തര്‍ ലോകകപ്പ് പിന്തള്ളിയത്.
