കഞ്ചാവ് കടത്തിയ കേസില്‍ യുവാവിനു പത്തുവര്‍ഷം കഠിനതടവും ഒരു ലക്ഷം രൂപ പിഴയും. മഞ്ചേരി എന്‍ ഡി പി എസ് കോടതിയാണ് ശിക്ഷ വിധിച്ചത്. പൂക്കോട്ടുംപാടം പായമ്പാടന്‍ പുതിയത് ഷാനവാസിന് (34) ആണ് ജഡ്ജി എന്‍ പി ജയരാജ് ശിക്ഷ വിധിച്ചത്. പിഴ അടയ്ക്കാത്ത പക്ഷം ആറുമാസം തടവ് അനുഭവിക്കണം. പ്രതിക്ക് ജാമ്യം ലഭിക്കാതിരുന്നതിനാല്‍ അറസ്റ്റ് ചെയ്ത തീയതി മുതല്‍ റിമാന്‍ഡില്‍ ആണ്. റിമാന്‍ഡ് കാലാവധി ശിക്ഷയില്‍ ഇളവ് ചെയ്യും.
2011 ജൂലൈ അഞ്ചിന് ആണ് അമരമ്പലം സൗത്ത് കോവിലകം പബ്ലിക് റോഡ് ജംഗ്ഷനില്‍ വാഹന പരിശോധന നടത്തുന്നതിനിടെ അഞ്ചാംമൈല്‍ ഭാഗത്തേക്ക് പോവുകയായിരുന്ന കാറില്‍ നിന്ന് 21.55 കിലോഗ്രാം കഞ്ചാവുമായി ഇയാള്‍ പിടിയിലാകുന്നത്. പൂക്കോട്ടുംപാടം എസ് ഐ ആയിരുന്ന അബ്ദുല്‍ കരീമാണ് പ്രതിയെ പിടികൂടിയത്. ഇന്‍സ്‌പെക്ടര്‍ സി എന്‍ സുകുമാരന്‍ ആണ് കുറ്റപത്രം സമര്‍പ്പിച്ചത്. ട്രോസിക്യൂഷന് വേണ്ടി അബ്ദുല്‍ സത്താര്‍ താലപ്പില്‍ ഹാജരായി.
