കണിക്കൊന്നയും കണിവെള്ളരിയും ഓട്ടുരുളിയില്‍ നിറച്ച് മലയാളി വിഷു ആഘോഷിക്കുകയാണ്. പ്രതിസന്ധിയുടെ
കാലത്തില്‍ നിന്നും കരകയറ്റണേ എന്ന പ്രാര്‍ഥന കൂടി നിറയുന്നുണ്ട് ഈ വര്‍ഷം.വിഷുവിനു ചെയ്യുന്ന കാര്യങ്ങളുടെ ഫലങ്ങള്‍ അടുത്ത ഒരു കൊല്ലക്കാലം നില്‍ക്കുമെന്നാണു വിശ്വാസം.അതുകൊണ്ട് തന്നെയാണ് ഈ പുലരിക്കാഴ്ച പ്രതീക്ഷകളുടെ കൂടി ഉല്‍സവമാകുന്നത്.ഓട്ടുരുളിയെ പ്രപഞ്ചത്തോട് ചേര്‍ത്തുവയ്ക്കുന്നതാണ് സങ്കല്‍പം. അതിലേക്ക് വാല്‍ക്കണ്ണാടി, ഗ്രന്ഥം, സ്വര്‍ണം,
ഞൊറിഞ്ഞ കസവുമുണ്ട്, ഉണങ്ങലരി, കൃഷ്ണവിഗ്രഹം, നാണയങ്ങള്‍, പലതരം ഫലങ്ങളും ഒപ്പം സ്വര്‍ണ നിറത്തില്‍ കൊന്നപ്പൂവും.
കേരളത്തിന്റെ തനത് ഉല്‍വസത്തിന് ഇത്തവണയും നിറമൊട്ടും കുറവല്ല.കൊന്നപ്പൂ കൃഷ്ണന്റെ കിരീടവും കണിവെള്ളരി മുഖവും വിളക്കിലെ തിരി കണ്ണുകളായും.മാറുമ്പോള്‍ ആ കാഴ്ചയില്‍ നിറയുന്നത് മണ്ണും വിണ്ണും മലയാളിയുടെ മനസും കൂടിയാണ്.കൈനീട്ടത്തിനൊപ്പം സ്നേഹവും നന്മകളും സമൃദ്ധിയും അകത്തും പുറത്തും പുലരട്ടെ എന്ന പ്രാര്‍ഥനയും.
